Loyalty

Програмата за лојалност овозможува со купување на производи да стекнете и да собирате поени кои може да ги користите при наредно купување.

Како да се зачлените во програмата за лојалност?

Доколку прометот при едно купување (една сметка) изнесува најмалку 3.000 денари, потребно е само уште да го пополните образецот за зачленување.

Поени за лојалност

Со секое купување како член на програмата стекнувате поени кои може да ги користите при следното купување со што вредноста на купените производи ќе се намали за износот на искористените поени.

Еден поен е еден денар кој може да се искористи како намалување во следното купување во еден од продажните салони на Магнетик. Колку е повисока сметката, толку повеќе поени стекнувате кои можете да ги искористите во наредното купување.

Програмата има три нивоа на привилегии. Нивоата се пресметуваат согласно направениот промет во текот на последните 365 дена:

• Ниво 1 (Основно ниво): за промет до 60.000 ден. купувачот се стекнува со поени во износ од 5% од износот на купени артикли по редовни цени или 2,5% од износот на купени артикли на попуст.
• Ниво 2 (Напредно ниво): за промет од 60.000 ден. до 120.000 ден. купувачот се стекнува со поени во износ од 10% од износот на купени артикли по редовни цени или 5% од износот на купени артикли на попуст.
• Ниво 3 (Премиум ниво): за промет над 120.000 ден. купувачот се стекнува со поени во износ од 15% од износот на купени артикли по редовни цени или 7,5% од износот на купени артикли на попуст.

 НАПОМЕНА: Користењето на поени при купување претставува купување артикли на попуст.

Правила на програмата за лојалност

Со користење на поените можете да ја намалите цената која треба да ја платите. Поени добивате само за трговска стока, а не за купување на ваучер или било каков друг вид на услуга.

Поените се стекнуваат само со пазарење во продавница на физичка локација. Во моментов поради технички причини не можете да стекнете поени при онлајн купување или при плаќање преку жиро сметка.

При секое купување можете да одберете дали и колку поени ќе искористите. Максималниот износ на поени што може да се употребат во една сметка е еднаков на износот на сметката намален за 100. На пример, ако вашата сметка изнесува 2000 денари, може да искористите најмногу 1900 поени.

Ако вратите производ за чие купување веќе сте стекнале поени, стекнатите поени се одземаат од вашето салдо, додека пак потрошените поени се враќаат назад. Доколку поените стекнати за купување на производ кој е вратен во меѓувреме се искористени за купување на нов производ, должен сте да ја надоместите разликата во цената за која сте ги искористиле поништените поени како попуст.

Информации во врска со обработката на личните податоци

Неопходно е да ги обработиме вашите лични податоци за да ја реализираме програмата за лојалност. Потребни ни се вашето име и презиме, телефонски број и емаил адреса за да ве идентификуваме и да обезбедиме дека ги добивате поените на сметката. Можете да го дадете и вашиот датум на раѓање за подобро да ги приспособиме понудите на вашите потреби. Доколку се согласите, вашите податоци ќе ги обработиме и за да добивате известувања на телефон или емаил за разни попусти и други поволности за купување, како и за таргетирано огласување, што ќе обезбеди на интернет да добивате информации за попусти, промоции и слично.

Согласноста можете да ја повлечете во секое време со испраќање на известување на loyalty@magnetik.com.mk. Покрај тоа имате право во секое време да добиете пристап, исправка, или бришење на личните податоци, како и да ги пренесете кај друг контролор, да приговарате или да ја ограничите обработката.