Најдобрата пријателна на секоја дама е нејзината чанта. Додека мажите сонуваат за брзи и луксузни коли, ние мислиме на прекрасни и впечатливи чанти. Но кога се работи за практичноста, секоја дама треба да има барем по 1 чанта во следните 3 стилови. Без нив, таа не може да биде комплетна.
Голема секојдневна чанта
На секоја дама и треба барем една голема чанта на која секогаш може да смета. За на работа или состанок, ова чанта има простор за сѐ што ни е потребно. Од нашиот лаптоп, до тефтер и несесер, кога сме со неа навистина чувствуваме дека сме подготвени на сѐ.
Кога купувате голема секојдневна чанта, внимавајте 2 работи: нејзината боја и квалитет. Изберете боја која ќе одговара со вашиот секојдневен стил, и не се плашете да потрошите малку повеќе - таа треба да ви служи долги години.
2. Мала забавна чанта
Одењето на ручек со пријателките за време на викенд е прилика да се опуштиме. Се што треба да носиме со нас се нашиот паричник, телефон, клуч и кармин. Затоа може да ја оставиме големата тешка чанта. За сите овие прилики, потребна ни е мала, слатка, забавна и уникатна чанта.
Условот за бирање на ваква чанта е единствено да ги собира најесенцијалните работи. Таа треба да биде нешто што ќе не радува, и нешто што ќе остави впечаток за нас како личност. Оваа пролет доминираат веселите бои и багет стилот на мали чанти, но и белите модни додатоци се дефинитивно во тренд.
3. Вечерна чанта
Овој тип на чанта е најчесто заборавен, се додека не повика некоја посебна прилика. Кога сме поканети на вечера со пријателите, забава од работа или некоја свечена пригода, а немаме ваква чанта, почнуваме да паничиме. Гледаме што може да се купи веднаш, и притоа најчесто не сме среќни со нашиот избор. Целиот тој стрес може да го избегнеме ако сме подготвени, и имаме барем една вечерна чанта која ја обожаваме.
Правилата за бирање на ваква чанта се малку построги. Таа дефинитивно треба да биде малку посвечена, но тоа може да биде и некој минимален детаљ. Нејзината боја може, но и не мора да биде црна, затоа што особено со нашиот омилен црн фустан, најдобро оди чанта во некоја друга боја. Најдобар начин да изберете вечерна чанта е да ги погледнете вашите омилени вечерни обувки, и да купите чанта која ги комплeментира нив.
Овие три чанти се есенцијални, но за оние кои веќе ги имаат, не се доволно. Ранчиња, чанти со колан и уникатни чанти кои се трансформираат… изборот е преголем. За повеќе чанти и други уникатни додатоци од брендови како Marella, Pinko и Carpisa, посетете го magnetik.skopje/shop и уживајте во шопингот од комфорот на вашиот дом!
